Vard fekk milliardskrog til kai

Nyleg kom skroget til eit stort kabellegging- og konstruksjonsskip til kai ved Vard Langsten i Tomrefjorden. Det melder verftskonsernet på Linkedin. 

Skipet blei bestilt i slutten av 2023 av  japanske entreprenørselskapet Toyo Construction Co.Ltd, som satsar på havvindmarknaden.

Kontrakten på det 150 meter lange og 28 meter breie skipet, var på kring 2,2 milliardar kroner.

Skipet har byggenummer 980 og skal leverast i andre kvartal i 2026, blei det opplyst då avtalen blei inngått.