Vard har fått opp ordreinngangen

Ved halvårsskiftet var orderinngangen til Vard omlag den halve av kva den var i same periode i 2024, men etterpå har konsernet sikra seg fleire store kontraktar. Det går fram av kvartalsrapporten per 3. kvartal til Vard-eigar Fincantieri. 

Les meir om kontraktane ved å klikke på lenker under saka

Forretningsområdet offshore og spesialskip i Fincantieri omfattar per i dag verksemda til Vard sine skipsverft, i Noreg og utlandet. 

I årets ni første månadar er ordreinngangen til Vard-verfta berre 16 prosent lågare enn den var i same periode i fjor (sjå tabell under). 

10 milliardar euro meir i ordreboka
Ordreboka til heile Fincantieri-konsernet er no svulma opp til 41 milliardar euro. Det er ein auke på 10 milliardar euro samanlikna med same tidspunkt i fjor.

Det er forretningsområdet skipsbygging som står for storparten av auken i ordreinngangen hittil i år.

Forretningsområdet skipsbygging omfattar verksemda som foregår på Fincantieri sine eigne verft, som mellom anna byggjer store cruiseskip og skip til forsvaret.