NPK-NTB: Ei undersøking Nav har gjennomført anslår at Nav-utbetalingane i 2060 vil ha auka til mellom 20 og 90 milliardar kroner.
Spriket på 70 milliardar er forskjellen mellom ein stor auke i befolkninga og ein låg vekst i talet på innbyggjarar, melder .
Konklusjonen i dei nye prognosane frå Nav er at Noreg treng mange fleire innbyggjarar som jobbar.
– Tyngda av trygdene blir størst dersom veksten i befolkninga blir liten. Då blir det færre som får ytingar, men også færre som jobbar. Vi kjem relativt dårlegast ut med låg vekst i befolkninga, seier seksjonssjef Ole Christian Lien i Nav.
Det er alderspensjonane som blir den største utgiftsposten til Nav framover, mens sjukepengar, uføretrygd og arbeidsavklaringspengar ifølgje utrekningane til Nav vil liggje på eit ganske stabilt nivå.
Arbeidsgjevarforeininga Spekter – som organiserer statlege verksemder som Posten, sjukehusa og NRK – håpar at rapporten gir politikarane «eit spark bak» og at dei sørgjer for at dei som faktisk kan jobbe meir, gjer det.
Administrerande direktør i Spekter Anne-Kari Bratten meiner at både sjukefråværet og uføregraden må ned. Ungdom må begynne å jobbe tidlegare og seniorane må jobbe lenger før dei går av med pensjon, seier ho til NRK.
SVs Karin Andersen meiner at det ikkje er så enkelt.
– Det hjelper ikkje å kutte trygda for å få fleire i jobb. Arbeidslivet må også gi plass til folk som vil og kan jobbe. Då må fordommar mot folk som slit, bort, seier ho.
Spriket på 70 milliardar er forskjellen mellom ein stor auke i befolkninga og ein låg vekst i talet på innbyggjarar, melder .
Konklusjonen i dei nye prognosane frå Nav er at Noreg treng mange fleire innbyggjarar som jobbar.
– Tyngda av trygdene blir størst dersom veksten i befolkninga blir liten. Då blir det færre som får ytingar, men også færre som jobbar. Vi kjem relativt dårlegast ut med låg vekst i befolkninga, seier seksjonssjef Ole Christian Lien i Nav.
Det er alderspensjonane som blir den største utgiftsposten til Nav framover, mens sjukepengar, uføretrygd og arbeidsavklaringspengar ifølgje utrekningane til Nav vil liggje på eit ganske stabilt nivå.
Arbeidsgjevarforeininga Spekter – som organiserer statlege verksemder som Posten, sjukehusa og NRK – håpar at rapporten gir politikarane «eit spark bak» og at dei sørgjer for at dei som faktisk kan jobbe meir, gjer det.
Administrerande direktør i Spekter Anne-Kari Bratten meiner at både sjukefråværet og uføregraden må ned. Ungdom må begynne å jobbe tidlegare og seniorane må jobbe lenger før dei går av med pensjon, seier ho til NRK.
SVs Karin Andersen meiner at det ikkje er så enkelt.
– Det hjelper ikkje å kutte trygda for å få fleire i jobb. Arbeidslivet må også gi plass til folk som vil og kan jobbe. Då må fordommar mot folk som slit, bort, seier ho.
Publisert: 29.01.2018 14:16
Sist oppdatert: 10.02.2021 15:40
