Varslar storaksjon mot setjefiskanlegg

(NPK-NTB): Regjeringa og Miljødirektoratet varslar storaksjon mot setjefiskanlegget i landet etter Dagens Næringslivs avsløringar.

DN har skrive at ein tredel av anlegga som produserer setjefisk – smolt – til oppdrettsanlegga, aldri har vorte kontrollert. I anlegga der det har vorte utført kontroll, fann tilsynsmaktene avvik ni av ti gonger.

Regjeringa varslar storaksjon etter avsløringa, skriv avisa.

– Miljødirektoratet planlegg også ein landsomfattande tilsynsaksjon retta spesielt mot setjefiskanlegg, seier statssekretær i Klima- og miljødepartementet, Kjersti Bjørnstad (Sp).

Administrerande direktør Geir Ove Ystmark i Sjømat Norge ønskjer styresmaktene velkommen.

– Sjømat Norge er positive til at det blir gjennomført tilsynskampanjar, og regelverket skal følgjast, seier han.

(©NPK)