Vedum varslar fleire stramme budsjett

(NPK-NTB): Sjølv om oljefondet veks raskt, vil ikkje finansminister Trygve Slagsvold Vedum (Sp) nytte seg av meir pengar enn nødvendig.

– Pengar er berre eit middel, og det kan ikkje løyse alle problem. Alle som er opptekne av omfordeling, også dei som er fattige, må også vere opptekne av å halde prisveksten nede. Det er det som blir utfordrande, seier Vedum til Klassekampen.

Statsråden ser ikkje for seg at oljepengebruken vil auke meir i stortingsperioden sjølv om fondet blir bygd opp raskare. Den norske handlingsregelen tilseier at politikarane kan bruke inntil tre prosent av verdien på oljefondet vore år.

– Tre prosent er ei rettesnor, men i år betrakteleg mindre enn tre prosent og det kan vi bli nøydde til å halde fram med framover for å hindre prisvekst, seier Vedum.

(©NPK)