Vegane til Geiranger er stengde

Frå klokka 20 onsdag blir vegen stengd mellom Eidsdal og Geiranger på grunn av rasfare. Frå før er Langvatn-Geiranger vinterstengt.

Dermed er det ingen veg inn eller ut av Geiranger i Stranda kommune open.

På grunn av rasfare stengjer Statens vegvesen vegen mellom Eidsdal og Geiranger i Stranda kommune på grunn av rasfare. Vegen blir stengd ved Indreeide, skriv Summørsposten.

Ifølgje Vegvesenet skal det gjerast ei ny vurdering klokka 10 torsdag.

Frå før er vegen mellom Langvatn-Geiranger vinterstengt.

Avisa skriv at det vil gå ferje mellom Hellesylt og Geiranger.