Vil ha større oppdrettstempo

Norsk Industri og Sjømat Noreg ber om at det snarast blir innført ei ordning med produksjonsløyve for offshore-oppdrett før ei permanent løysing er på plass. Det skrivet nettstaden ilaks.no

– Det er viktig at prosessen rundt tildeling av lokalitetar og løyve for havbruk til havs blir ferdigstilt raskt. Vi ser at det er ein drastisk vekst i landbasert oppdrett i fleire land, og det vil vere synd om Noreg skulle bli akterutsegla på den mest norske av alle næringar – laksenæringa – fram til styresmaktene skal opne eigna havområde og sikre tilstrekkeleg biomasse for ei økonomisk berekraftig utvikling, seier Stål Heggelund, fagsjef for havbruksleverandørane i Norsk Industri.

– For norsk industri ligg det her til rette for oppdrag som i sum kan utgjere fleire milliardar kroner. Tida er no inne for å påskunde utviklinga av næringa på industriell basis, seier han.