Øyfolk vil ikkje til Ålesund

NPK: Av dei fem områda i Møre og Romsdal som no har fått høve til å seie om dei vil byte kommune, er det øyfolket i Sandøy kommune nord for Ålesund som har den klaraste meininga. Dei vil ikkje blir ålesundarar.
Så mykje som 84 prosent av innbyggjarane på øyane Sandøy, Ona, Orten, Lyngværet, Seterøya og Gåsøya i Sandøy vil ikkje bli med til Ålesund. Eit klart fleirtal av øyfolket ønskjer seg i staden nordover til Aukra kommune. Berre 14 prosent synest det er greitt å bli ein del av den nye Ålesund kommune.
Tala går fram av dei førebelse resultata frå innbyggjarundersøkingane som Fylkesmannen i Møre og Romsdal har gjennomført, skriv .
I bygdene Norddal og Eidsdal i Norddal kommune ønskjer 57 prosent å bli ein del av Stranda, mens 27 prosent vil bli i Norddal. Norddal kommune blir frå 2020 slått saman med Stordal til Fjord kommune.
I Liabygda i Stranda vil 69 prosent halde fram i Stranda, mens 26 prosent vil over i den nye Fjord kommune.
I bygdene Bjørke og Viddal i Ørsta vil 54 prosent halde fram i Ørsta, mens 42 prosent ønskjer seg over til Volda.
Svarprosenten i innbyggjarundersøkingane låg mellom 74 prosent (Liabygda) og 91 prosent (øyane). Veit ikkje-prosenten var på 2–5 prosent, unntatt i Norddal og Eidsdal, der så mange som 17 prosent svarte at dei ikkje visste.