Per Ronald Knutsen

Per Ronald Knutsen blir ny banksjef for Sparebanken Møre i Sande. 

Han har vore midlertidig leiar for kontoret på Larsnes ei periode, og er no fast tilsett i stillinga, opplyser banken. 

Knutsen skal leie banken sine kontor både på Larsnes og i Fosnavåg, og har vore tilsett som banksjef for kontoret i Fosnavåg sidan 2004. 

– Per Ronald har 40 års erfaring innan bank og finans, og vil bidra med både leiarkompetanse, lokalkunnskap og eit sterkt kundefokus, seier Elisabeth Blomvik, leiar for Personkundemarknaden i Sparebanken Møre, i meldinga. 

Sparebanken Møre har hatt kontor på Larsnes sidan Sande og Rovde Sparebank blei etablert i 1898. Avdelinga har vore ein del av Sparebanken Møre sidan banksamanslutninga i 1985.