Svein Aam

Tidlegare Møre-Nytt-redaktør Svein Aam startar i halv stilling som fiskerijournalist i Sunnmørsposten frå 1. februar. Det opplyser hans nye arbeidsgivar i ei nyhetsmelding.

63-åringen var journalist i Sunnmørsposten og NRK i ei årrekke, før han starta som redaktør i Møre-Nytt frå 2017.

– I tillegg til dei tradisjonelle fiskeria skal Svein også dekke dei viktige områda havbruk og sjømatnæringa generelt, seier nyheitsredaktør Sindre Halkjelsvik til si eige avis.

Aam skal også nytte tida til å skrive bok om ei bedriftshistorie. Kva bedrift, er ikkje offentleg enno.