125 millionar meir verdt på to dagar

Før børsnoteringa fredag 23. april var torskeoppdrettselskapet Statt Torsk verdsett til 415 millionar kroner.

I dag var selskapet ein av vinnarane på Oslo Børs, med ein kursoppgang på 16,5 prosent.

Ved børsslutt var kursen 3,25 kroner per aksje, som verdset heile selskapet til 540 millionar kroner, 125 millionar over verdien før børsnotering.

Statt Torsk driv i dag to oppdrettskonsesjonar i Vanylven. Målet er å kome opp i seks konsesjonar og slakte 12.000 tonn oppdrettstorsk årleg i løpet av 2025, sa dagleg leiar og medeigar Gustave Brun-Lie til NETT NO tidlegare i april. Han eig ni prosent av aksjane gjennom selskapet Medvode.

Henta pengar
I slutten av mars henta Statt Torsk 115 millionar kroner i ei kapitalutviding for å finansiere vekst, og gjere selskapet klart for børsnotering.

Målet er å ha konsesjonane og oppdrettsanlegga i samla i Vanylvsfjord/Rovdefjord-området nord for Stad og slakte og bearbeide torsken hos fiskeforedlingsanlegget til Per Stave as på Stadlandet, i tillegg til slakting hos Henden Fiskeindustri på Averøya.

Ei søknad om konsesjon er til behandling og selskapet per i dag har studiar i gang for å vurdere to andre lokalitetar.