Den ferske rekneskapen til Storfjord Bladlag viser ei auke både i inntekter og kostnader, som gjer at resultatet enda på minussida i fjor.
Selskapet sm gir ut lokalavisa Storfjordnytt som dekker Fjord og delar av Stranda kommune, og sysselsette tre årsverk i 2025.
Annonsesvikt i fjor - betring i år
Redaktør og dagleg leiar Britt Ingunn Maurstad fortel til Nett No at annonsesvikt var hovudårsaka til underskotet i fjor.
– Annonseinntektene stupte, samtidig som kostnadene til papiravisa har halde fram å auke, seier ho.
Per april i år viser annonseinntektene ei betydeleg betring samanlikna med same periode i fjor.
– Vi håpar at det held seg oppe vidare utover året, og at folk framleis ser verdien av å annonsere i lokalavisa, legg Maurstad til.
Prosjektarbeid påverka rekneskapen
Årsaka til at inntektene og kostnadane var høgare enn året før, er i hovudsak finansiering og utgifter til prosjektarbeid som blei avslutta i løpet av året, ifølgje Maurstad.
Eigenkapitalen i selskapet var på drygt 400.000 kroner ved utløpet av året, og dei hadde ikkje langsiktig gjeld.
Selskapet har over 250 aksjonærar, med Sparebanken Møre som sin største eigar med 4,1 prosent av aksjane. Storparten av aksjonærane har adresse i avisa sitt dekningsområde.
| Storfjord Bladlag AS | ||
| Tall i mill. kroner | 2025 | 2024 |
| Driftsinntekt | 4,2 | 3,3 |
| Driftsresultat | -0,2 | 0,2 |
| Resultat før skatt | -0,2 | 0,2 |
Publisert: 18.05.2026 14:31
Sist oppdatert: 18.05.2026 14:31






