Auka salet av pakistanske produkt

Selskapet vart starta opp i 2018 og er 75 prosent eigd av Amar Bokhari og 25 prosent av Runa Klock. Han bur i Islamabad, ho på Sjøholt.

I fjor omsette selskapet for 6,3 millionar kroner, som er ny rekord.

(saka held fram etter tabellen)

Sonen overtok
Historia til selskapet går tilbake til 1980-talet då norsk-pakistanaren Yawar Bokhari starta å produsere filleryer og bygde opp eit veveri i Sultan Town ved millionbyen Faisalabad. Det vart også etablert skule vegg i vegg med veveriet ettersom mange av barna til dei veveritilsette ikkje gjekk på skule. Men etter at Yawar Bokhari døydde i 2012, stoppa aktiviteten ved veveriet opp.

I 2014 bestemte sonen Amar Bokhari og designar Runa Klock å gjenreise veveriet og utvikle ny portefølgje av berekraftige produkt.

450 tilsette
Ifølgje heimesida til Bokhari er det i dag 450 kvinner og menn tilknytta veveriet, og skulen er på nytt i full gang.

Bokhari sel ei rekke tekstilprodukt som sengeteppe, klutar, bagar og forkle, alt av materiale som kan gjenvinnast.

Selskapet tilbyr også samarbeid med partnerar for å utvikle eigne produkt.

I 2022 sysselsette Sjøholt-selskapet to årsverk.