Børsdagen: Lysglimt i mørk seglas
Opptur for Havila-reiarlag på raud børs.
Hovudindeksen på Oslo Børs hadde ei ny tung dag med eit fall på 0,85 prosent til 1.236,59 poeng torsdag.
Dei to Herøy-reiarlaga Havila Kystruten og Havila Shipping var børsvinnarane frå Nordvestlandet.
Førstnemnde aksje steig steig meir enn åtte prosent, men sank litt tilbake før stengetid. Offshoreaksjen var opp meir enn fire prosent, men også denne fall litt tilbake mot slutten av dagen.
Utviklinga for begge aksjane har peika ned det siste året.
Kystruten-aksjen fall bratt frå kring ti kroner i fjor vår, og bikka under ei krone utover hausten. Sluttkursen på 0,786 kroner prisar selskapet til kring 670 millionar kroner.
Havila Shipping-aksjen har gått jamnt nedover frå kring 20 kroner for eitt år sidan. Sluttkursen torsdag vart på 4,815 kroner. Den prisar reiarlaget til 114 millionar.
Saka er oppdatert med børstabell for Nordvestlandet
| Børsdagen | ||
| Selskap | Kurs i kroner | %-Endring i dag |
| Havila Kystruten | 0,79 | 7,67 % |
| Havila Shipping | 4,82 | 3,77 % |
| Arctic Bioscience | 9,88 | 2,28 % |
| Hexagon Composites | 24,00 | 1,52 % |
| Endúr | 41,00 | 0,99 % |
| Eqva (tidl. Havyard Group) | 3,11 | 0,97 % |
| Hexagon Purus | 7,46 | 0,81 % |
| Sparebanken Møre | 86,23 | 0,69 % |
| Hav Group | 10,95 | 0,46 % |
| Norva 24 Group* | 27,55 | 0,00 % |
| Hofseth Biocare | 2,54 | -0,39 % |
| Golden Energy Offshore Services | 1,42 | -0,70 % |
| Salmon Evolution | 7,06 | -1,40 % |
| Atlantic Sapphire | 1,74 | -2,14 % |
| * Kurs i SEK |
Publisert: 08.02.2024 16:37
Sist oppdatert: 08.02.2024 16:51