Børsdagen: Opptur etter Stordalen-kjøp

Atlantic Sapphire var måndagens soleklare børsvinnar av selskapa frå Nordvestlandet. Aksjen fekk ein oppgang på 12,61 prosent til 21,34 kroner.

Det børsnoterte selskapet med adresse i Vestnes, satsar på lakseoppdrett i USA.

Var nyleg med på emisjon
Oppturen starta tidleg på dagen etter at det vart kjent at Petter Stordalen sitt selskap Strawberry Capital har auka sin eigardel.

Så langt i år er aksjekursen til selskapet likevel ned med meir enn 50 prosent.

Stordalen var mellom investorane som var med på ein emisjon nyleg. Etter dei nye aksjane er utstedt og nye aksjekjøp har no Stordalen-selskapet 4,16 millionar aksjar i selskapet. Det gjer investorselskapet til sjette største eigar.

Også Nordlaks Holdings har auka si aksjebeholdning til 4,1 millionar aksjar, ifølgje den siste aksjonærlista som mandag blei referert av fleire medier.

Kystruten dagens tapar
Havila Kystruten var dagens børstapar av selskapa frå regionen. Aksjekursen for reiarlaget frå Herøy enda måndag ned ei nedgang på heile 10,23 prosent til 17,55 kroner. Fallet skjedde på bakgrunn av lite volum.

Mot slutten av dagen kom reiarlaget med ei melding om at mellomfinansieringa for skip nummer to, Havila Castor, er forlenge til september.

Årsaka er at arbeidet med å få på plass ei finansiering er forseinka av «tidkrevjande prosessar» kring det første skipet deira, Havila Capella.

Hovudindeksen på Oslo Børs starta negativt - og enda dagen med eit fall på 0,14 prosent til 1.292,36.

Eit fat nordsjøolje var ved stengetid opp 0,2 prosent og blei handla til kring 103,80 dollar.

Kursutvikling for selskapa frå Nordvestlandet: