Stordalen-kjøp i Atlantic Sapphire

Petter Stordalen sitt selskap Strawberry Capital har auka sin eigardel i Atlantic Sapphire, ifølgje aksjonærlistene måndag, melder Dagens Næringsliv.

Det børsnoterte selskapet med adresse i Vestnes, satsar på lakseoppdrett i USA. Stordalen var mellom investorane som var med på ein emisjon nyleg.

Etter dei nye aksjane er utstedt og nye aksjekjøp har no Stordalen-selskapet 4,16 millionar aksjar i selskapet. Det gjer investorselskapet til sjette største eigar.

Atlantic Sapphire-aksjen er mellom vinnarane på Oslo børs tidleg måndag. Ved 10.30-tida er verdien auka med 9,87 prosent til 20,82 per aksje.