Børsdagen: Tommelen ned frå investorane
Nedur for bioteknologi. Opptur for Havila Shipping etter ny kontrakt.
Arctic Bioscience-aksjen enda torsdagen med eit fall på seks prosent til 8,46 kroner aksjen. Ingen andre selskap frå Nordvestlandet fall meir på Oslo børs.
Verdifallet kom etter at selskapet tidleg på dagen la fram kvartalsrapporten som viste lågare sal i helsekostmarknaden.
Ørsta-selskapet utviklar også legemiddel mot psoriasis basert på silderognolje. I midten av 2024 ventar dei svar på ein større internasjonal studie i dette arbeidet.
Havila Shipping-aksjen var i andre enden av skalaen etter nokre tunge dagar.
Kursen steig drygt fire prosent til 6,47 kroner aksjen etter at reiarlaget melde om ny kontrakt.
Det er Equinor som har forlenga oppdraget til PSV-en Havila Charisme med eitt år til midten av desember 2024. Selskapet har også tre nye opsjonar i kontrakta - kvart på eitt år, ifølgje børsmeldinga.
Hovudindeksen på Oslo børs hadde ein dag med oppgang - på drygt 0,8 prosent til 1291,8 poeng.
Les også
Børstabell for Nordvestlandet:
| Selskap | Kurs i kroner | %-endring i dag | |
| Hexagon Composites | kr 26,70 | 4,71 % | |
| Havila Shipping | kr 6,47 | 4,35 % | |
| Norva 24 Group* | 18,84 kr | 2,61 % | |
| Salmon Evolution | kr 6,08 | 1,67 % | |
| Golden Energy Offshore Services | kr 1,29 | 1,42 % | |
| Hav Group | kr 9,18 | 1,32 % | |
| Atlantic Sapphire | kr 1,40 | 1,30 % | |
| Hexagon Purus | kr 10,90 | 1,11 % | |
| Endúr | kr 39,90 | 1,01 % | |
| Sparebanken Møre | kr 76,15 | 0,86 % | |
| Statt Torsk | kr 0,48 | 0,00 % | |
| Eqva (tidl. Havyard Group) | kr 2,50 | 0,00 % | |
| Hofseth Biocare | kr 2,85 | -1,38 % | |
| Havila Kystruten | kr 0,79 | -1,50 % | |
| Arctic Bioscience | kr 8,46 | -6,00 % | |
| * Kurs i SEK | |||
Publisert: 02.11.2023 17:11
Sist oppdatert: 02.11.2023 17:13