Børsdagen: Tung marknad for OFS

I løpet av romjula passerte selskapet 40 millionar kroner i kapitalinnhentinga si og selskapet forlenga fristen for å vere med på emisjonen.

Minstemålet er å hente inn 56,25 millionar kroner for å finansiere utbygging og vidare vekst. Oversikta hos Dealflow, som er finansieringsplattformen kapitalutviding blir gjort på, viser at investorar per i dag har teikna seg for 40,3 millionar kroner. Det har med andre ord vore stillstand i år.

Om ikkje interessa skyt fart vil selskapet truleg utvide fristen for å teikn seg for å få meir tid til å få inn pengane selskapet vil ha. Samstundes er det verdt å spørje om dei nye investorane er blitt lokka med ein for liten bit av kaka.

Selskapet er verdsett til 438 millionar kroner før kapitalutvidinga. Om OFS når maksimumsmålet på 65 millionar kroner i ny eigenkapital vil pengane som blir skote inn i selskapet gi ein eigarandel på 17,34 prosent.

Artikkelen er oppdatert med aksjekursar for børsnoterte selskap på Nordvestlandet, etter at børshandelen stengte i ettermiddag.