Børsdagen: Vellukka investering så langt

Kongsberg Gruppen la torsdag fram eit resultat som overgjekk investorane sine forventingar.

Sterk vekst i våpendivisjonen er ei viktig årsak til det gode resultatet konsernet leverte. Men Kongsberg Maritime med avdelingar på Ulsteinvik, Hjørungavåg, Ålesund, Brattvåg og Longva leverte sterke tall. Om lag halvparten av ordreinngangen på 5,1 milliardar, kom frå nybygg.

I løpet av dagen steig Kongsberg-aksjen med 3,18 prosent til 479,6 kroner aksjen.

Eit tilbakeblikk viser at verdien på aksjen har stege jamnt og trutt heilt sidan sommaren 2019, nokre månader etter oppkjøpet av dåverande Rolls-Royce Marine.

Sidan den norske staten i slutten av april for fire år investerte kring 2,5 milliardar kroner, har aksjekursen stege nær fire gongar i verdi frå kring 105 kroner aksjen i august 2019.

Hexagon Purus og Hexagon Composites var dagens vinnarar på børsen av selskapa frå Nordvestlandet.

Størst fall hadde Havila Shipping, medan kursen til Sparebanken Møre – som la fram kvartalstal torsdag, stod stille.

Hovudindeksen på Oslo børs enda i pluss med 0,69 prosent til 1213,16.

Børstabell for Nordvestlandet: