Berga Måløy-utdanningar

Måløy får behalde treårig studiespesialiserande utdanning, yrkesutdanning i restaurant og matfag. køyretøymekanikarlina og YSK Industriteknikk-utdanninga.

Det har eit fleirtal i hovudutvalet for opplæring og kompetanse i Vestland fylkeskommune blitt samde om i dag.

Det er Ap, Sp, SV, Raudt, Krf, Venstre og Industri og Næringspartiet som har sikrar fleirtal for tilrådinga til Fylkestinget.

Så sending frå møtet her

Næringslivet mobiliserte
Alle fire utdanningstilboda var foreslått kutta av fylkesadministrasjonen og næringslivet i Måløy har mobilisert for å få behalde tilboda i Måløy.

Utdanningstilbodet i informasjonsteknologi blir avvikla i Måløy.

I dag er dagleg leiar i Måløy Vekst, Randu Humborstad, relativt nøgd med utfallet.

- Vi opplever at dei (politikarane, red. merk) har lytta til næringslivet, seier ho.

Viktig for verfta
Etterkvart som det har blitt meir utfordrande å rekruttere frå utlandet har rekruttering lokalt blitt viktigare for Båtbygg, sa HR-sjef Hans Ole Svarstad ved skipsverftet ved Måløy til Nett No i august.

Han frytka spesielt at fylkeskommunen ville legge ned utdanninga som køyretøymekanikar på Måløy vidaregåande skule og samle utdanninga på ein plass, i Stryn.

Det er først og fremst frå den utdanninga verftet rekrutterer lærlingar. Skulle utdanningstilbodet bli avvikla i Måløy trur Svarstad unge i Måløyområdet ville velge ei anna utdanning, i staden for å reise til Stryn og ta utdanninga der. Dermed ville eit viktig rekrutteringsgrunnlag for både Båtbygg og dei andre skipsbyggarane i Måløy-området gått tapt.