Betring for Vard-verksemd

Då Vard-eigar Fincantieri organiserte drifta i Vard i to forretningsområdet var bygging av alt frå fiskebåtar, offshorefartøy til vindkraft- og oljeindustrien og marinefartøy samla i forretningsområdet offshore og spesialskip.

Forretningsområdet er reindyrka Vard-verksemd, til skilnad for bygging av cruiseskip hos Vard, som er ein del av forretningsområdet skipsbygging. Forretningsområdet skipsbygging omfattar både Vard-verft og Fincantieri-verft.

Forretningsområdet offshore og spesialskip nesten dobla driftsinntektene frå 1. kvartal 2021 til 1. kvartal 2022 (sjå tabell).

Lønsemda i forretningsområdet har betre seg gradvis. Driftsresultatet før av- og nedskrivingar enda i pluss i fjor, og betra seg også i 1. kvartal i år.

Les Fincantieri-pressemeldinga om 1. kvartalsresultatet her

Italienske Fincantieri er ein av de største cruiseskipsbyggarane i verda og bygger også marinefartøy. Under Fincantieri-paraplyen ligg også Vard, med hovedkontor i Ålesund og verft i Søvika, Brattvåg, Tomrefjord, Brasil, Romania og Vietnam.