Børsdagen: Betre og betre for offshore

Både Golden Energy Offshore Services og Volstad Maritime har inngått kontraktar der betalinga er på nivå med det offshorereiarane fekk før krisa som bransjen gjekk inn i etter oljeprisfallet i 2014.

I dag varsla også selskapet S.D. Standard ETC Plc, med investoren Øystein Stray Spetalen som sentral eigar, at det vil hente inn 150 millionar kroner i ny eigenkapital og børsnotere datterselskapet Standard Sypply, med to heileigde og fem deleigde plattformforsyningsskip i flåten.

Les børsmelding her

Offshorebransjen er i vinden, og resultatet av børsnoteringa av Standard Supply kan avgjere om også andre og etablerte reiarlag vil prøve seg på børsen no, for å fylle kassa etter fleire sju magre år.

Havila Shipping ble nok ein gang dagens børsvinner blant selskapa på Nordvestlandet og i dag også på Oslo Børs, med ein kursauke på 19,77 prosent, til 26,35 kroner per aksje.

Den kursen verdset Havila Shipping til 427 millionar kroner på Oslo Børs. Hittil i år har Havila Shipping-kursen stige 534 prosent og 858 prosent siste 12 måndagar.

Golden Energy Offshore Services steig 3,8 prosent i dag. Hittil i år er Golden Energy Offshore Services-aksjen opp 260 prosent.

Hovudindeksen på Olso Børs fall 0,60 prosent i dag, og åtte av selskapa frå Nordvestlandet hadde ei negativ kursutvikling med Hofseth Biocare på botn (sjå tabell).