Beste rate sidan oljeprisfallet i 2014

- Det er mange mange år sidan, seier Golden Energy Offshore Services-sjef Per Ivar Fagervoll om når Ålesund-reiarlaget sist fekk like godt betalt for å leige ut eit plattformforsyningskip.

Vi må attende til før oljeprisfallet i 2014 for å finne makan, ifølgje Fagervoll.

Finansavisen skreiv i går at eit plattformforsyningskip er leigd ut til eit to-vekers oppdrag på britisk side i Nordsjøen for 37.000 britiske pund dagen, nesten 450.000 kroner.

Fagervoll stadfestar at det er Energy Empress det er snakk om.

- Eg har ikkje så lyst til å snakke om rater, men det er ikkje så mykje feil, seier han om ratenivået til NETT NO.

Kan blir lenger
Kontrakten med Itacha Energy UK er på to veker, men Itacha Energy har opsjon på å forlenge leigeavtalen. I beste fall kan Energy Empress bli leigd ut til Itacha Energy UK fram til rundt 19. juli, då fartøyet skal inn i eit anna oppdrag.

"Det er på britisk side av Nordsjøen det virkelig har tatt av. Der har vært helt utsolgt for supplyskip", seier skipsmeklar Jarle Havsø Sæstad i Westshore Shipbrokers til Finansavisen.

Alle skip i arbeid
I mars i år fekk Golden Energy Offshore Services alle sine fire skip i arbeid, og hadde dermed sikra seg ein utnyttingsgrad på 90 prosent fram til 4. kvartal i år.

Etterpå har det blitt enda bedre, og også til gode rater.