Børsdagen: Bratt år for Hofseth

Nivået er ei halvering frå kursen selskapet starta året med på i overkant av sju kroner aksjen.

Hovudeigar Roger Hofseth har heile tida hatt klokkartru på selskapet, sjølv om overskota har venta på seg. Toppnivået for aksjeverdien var tilbake i november 2019 med 10,78 kroner aksjen.

Selskapet henta tidlegare i sommar inn 141 millionar kroner i friske pengar. Kort tid etter blei det kjent at tidlegare toppsjef Jon Olav Ødegård kjem tilbake i sjefsstolen, og at Roger Hofseth trår til side.

Dei friske pengane skulle nyttast generelt til drifta. Samtidig melde selskapet at dei var i ferd med å sikre seg meir råvare av restråstoff av laks, som skulle gjere at Midsund-fabrikken kan komme opp i 80 prosent kapasitetsutnytting.

Havila Shipping var dagens vinnar mellom selskapa frå regionen med ein oppgang på 2,53 prosent til 15,38 kroner. Fleire oljeservicereiarlag - med DOF og Siem Offshore i spissen - var mellom aksjene som gjekk opp tysdag - saman med oljeprisen.

Eit fat nordsjøolje var ved stengetid opp 99,4 dollar etter ein oppgang på tre prosent i løpet av dagen.

Hovudindeksen ved Oslo børs gjekk opp med 1,23 prosent tysdag.

Børstabell for selskap frå Nordvestlandet: