Som i første kvartal i år fell Sparebanken Sogn og Fjordane sine utlån til kundane i næringslivet.
Hittil i år er utlåna til bedriftsmarknaden ned 1,9 prosent fortel kvartalsrapporten for andre kvartal. I første kvartal var det ein nedgang på 2,5 prosent, medan det i siste 12-månadersperiode er ein vekst på 0,5 prosent.
Den samla utlånsveksten, til både privat og bedriftsmarknaden, er på 3,2 prosent i siste 12-månadersperiode.
Til samanlikning hadde Sparebanken Møre ein utlånsvekst på 7,7 prosent i siste 12-månadarsperiode, fordelt på 6,2 prosent vekst til personkundar og 10,1 prosent utlånsvekst til bedriftskundar.
"Banken registrerer lågare aktivitet og reduksjon i investeringane i bedriftsmarknaden samanlikna med tidlegare år. Enkelte bransjar, og då særskilt bygg og anlegg, merkar fall i etterspurnaden. Stor reduksjon i kvotar på kvitfisk gir strammare likviditet og redusert investeringsevne innan denne sektoren.", skriv Sparebanken Sogn og Fjordane i kvartalsrapporten.
Banken er sjølveigande gjennom to stiftingar, Sparebankstiftinga Sogn og Fjordane og Sparebankstiftinga Fjaler.
| Sparebanken Sogn og Fjordane | ||
1. halvår. I mill. kroner | 2024 | 2023 |
| Inntekt | 917 | 863 |
| Resultat før tap | 601 | 607 |
| Resultat før skatt | 593 | 623 |
| Sparebanken Sogn og Fjordane | ||
| 2. kvartal. I mill. kroner | 2024 | 2023 |
| Inntekt | 464 | 462 |
| Resultat før tap | 306 | 334 |
| Resultat før skatt | 287 | 345 |
Artikkelen er oppdatert med aksjekurs for børsnoterte selskap på Nordvestlandet.
| Børsdagen | ||
| Selskap | Kurs i kroner | %-Endring i dag |
| Hexagon Composites | 38,15 | 8,38 % |
| Hexagon Purus | 9,46 | 6,77 % |
| Hofseth Biocare | 1,98 | 1,54 % |
| Romsdal Sparebank | 113,20 | 1,47 % |
| Havila Shipping | 5,24 | 0,96 % |
| Arctic Bioscience | 11,50 | 0,88 % |
| Hav Group | 9,28 | 0,65 % |
| Endúr | 56,10 | 0,36 % |
| Norva 24 Group* | 30,25 | 0,00 % |
| Salmon Evolution | 6,71 | -0,59 % |
| Havila Kystruten | 0,90 | -0,99 % |
| Sparebanken Møre | 83,60 | -1,07 % |
| Atlantic Sapphire | 4,70 | -6,90 % |
| Golden Energy Offshore Services | 26,00 | -7,47 % |
| * Kurs i SEK |
Publisert: 16.08.2024 14:11
Sist oppdatert: 16.08.2024 17:01
