Børsdagen: Krympa verdi på solenergi-selskap

Akkurat som Inseanergy i Ålesund, har Ocean Sun satsa på flytande solcelleanlegg for elektrisitetproduksjon, Ocean Sun for generell kraftproduksjon, Inseanergy spesielt retta mot havbruksbransjen.

I fjor gjekk dei to selskapa inn i ein strategisk samarbeidsavtale for globale leveranser av grønne energiløsninger til akvakultur, og tidlegare i år kom Ocean Sun-medeigar Jens Ulltveit Moe inn som ny storaksjonær i Inseanergy saman med investeringgselskapet Norselab.

Ingen av selskapa har meldt om nye kontraktar sidan kapitalutvidinga tidlegare i år.

Inseanergy er ikkje børsnotert, så det er aksjekursutvikling i Ocean Sun som gir det meste presise signalet om kva forventningar det er i aksjemarknaden til flytande solcelleanlegg.

Ocean Sun var børsnotert i oktober 2020, då alt som var grønt var i vinden blant investorane. Kursen spratt raskt opp frå knappe 15 til 57,50 kroner aksjen. Toppen vart nådd i februar 2021. Sidan har det stor sett gått nedover, først fort, deretter sakte. Førebels botnrekord er 3,17 kroner aksjen - i mars i år. Noko kraftig løfta bort frå botnen har aksjen ikkje fått og i dag fall kursen 3,57 prosent, til 3,51 kroner aksjen.

Den kursen prisar selskapet til 158 millionar kroner, litt over det dobbelt av det Inseanergy truleg vart verdsett til etter kapitalutvidinga tidlegare i år.