Sjå børstabell for Nordvestlandet under saka
Oslo børs suste oppover onsdag, godt hjelpt av stigande oljepris.
Ved 14-tida var hovudindeksen opp 1,25 prosent i løpet av dagen – til meir enn 1461 poeng. Den fall litt tilbake mot slutten av dagen. Sluttnoteringa på 1459,20 poeng er likevel ny toppnotering.
Fleire oljeaksjar trakk børsen oppover, etter at prisen på eit fat olje spratt til over 80 dollar fatet – ein oppgang på kring 2,4 prosent siste døgn.
Av dei børsnoterte selskapa frå Nordvestlandet hadde igjen Atlantic Sapphire ein god dag. Analytikarar auka tysdag kursmålet for selskapet som driv landbasert oppdrett i Florida.
Der har truleg bidrege til ny optimisme for den skadeskotne aksjen. Kursen har stige frå kring 4,50 kroner i slutten av førre veke, til tett oppunder 7 kroner onsdag. Sluttkursen vart 6,56 kroner.
Atlantic Sapphire har vore råke av ein rekke problem med produksjonen. Sist var det trongt om plassen i merdane til selskapet. Arctic Securities oppjusterte likevel kursmålet frå to til ti kroner for aksjen denne veka.
Hexagon Composites gjorde det best av dei børsnoterte selskapa frå regionen. Kursen steig meir enn 12 prosent til ein sluttkurs på 33,20 kroner.
Børstabell for Nordvestlandet:
| Selskap | Kurs i kroner | %-endring i dag |
| Hexagon Composites | kr 33,20 | 12,16 % |
| Atlantic Sapphire | kr 6,56 | 7,38 % |
| Havila Kystruten | kr 0,97 | 3,08 % |
| Norva 24 Group* | 30,70 kr | 1,66 % |
| Endúr | kr 59,90 | 0,50 % |
| Sparebanken Møre | kr 84,75 | 0,46 % |
| Hav Group | kr 10,15 | 0,00 % |
| Romsdal Sparebank | kr 109,90 | 0,00 % |
| Arctic Bioscience | kr 10,40 | 0,00 % |
| Salmon Evolution | kr 7,53 | -0,53 % |
| Hofseth Biocare | kr 2,02 | -0,98 % |
| Havila Shipping | kr 5,70 | -1,72 % |
| Hexagon Purus | kr 9,58 | -1,74 % |
| Golden Energy Offshore Services | kr 30,60 | -1,92 % |
| Romsdal Sparebank | kr 110,00 | -2,65 % |
| * Kurs i SEK | ||
Publisert: 31.07.2024 14:26
Sist oppdatert: 31.07.2024 17:01
