Sjå børstabell for Nordvestlandet under
Tysdag vart det ein solid opptur forAtlantic Sapphire-aksjen, som har vore på «botnfiske» dei siste vekene.
Aksjen skaut opp kring 20 prosent til ein sluttkurs på 6,11 kroner tysdag. Det skjer etter at Arctic Securities oppjusterte kursmålet frå to til ti kroner for aksjen, ifølgje Finansavisen.
Det blir påpeika at kursmålet for aksjen er eit eittårs-perspektiv og analytikarane meiner selskapet er avhengige av å hente meir pengar før den tid.
Atlantic Sapphire som driv landbasert oppdrett av laks ved Miami i USA, har vore råke av ein rekke problem med produksjonen. Sist var det trongt om plassen i merdane til selskapet.
Det andre selskapet som driv landbasert oppdrett på Nordvestlandet, Salmon Evolution, har hatt ei heilt anna utvikling og er i rute med sine planar om å utvide anlegget på Indre Harøy. Kursmålet for aksjen ligg ei krone over konkurrenten – på 11 kroner.
Tysdag steig kursen til 7,57 kroner aksjen for Salmon Evolution.
Hovudindeksen på Oslo børs enda om lag i null, etter å ha starta veka med ein opptur dagen føre. Oljeprisen fall vidare i løpet av dagen og blei handla for kring 78.30 dollar fatet ved stengetid.
Børstabell for Nordvestlandet:
| Selskap | Kurs i kroner | %-endring i dag |
| Atlantic Sapphire | kr 6,11 | 18,89 % |
| Salmon Evolution | kr 7,57 | 3,56 % |
| Hexagon Composites | kr 29,60 | 1,72 % |
| Endúr | kr 59,60 | 1,71 % |
| Golden Energy Offshore Services | kr 31,20 | 1,63 % |
| Hav Group | kr 10,15 | 1,50 % |
| Hexagon Purus | kr 9,75 | 0,72 % |
| Sparebanken Møre | kr 84,36 | 0,19 % |
| Norva 24 Group* | 30,00 kr | 0,00 % |
| Romsdal Sparebank | 109,90 kr | 0,00 % |
| Hofseth Biocare | kr 2,04 | -0,49 % |
| Arctic Bioscience | kr 10,40 | -0,95 % |
| Romsdal Sparebank | kr 110,00 | -2,65 % |
| Havila Kystruten | kr 0,94 | -2,79 % |
| Havila Shipping | kr 5,80 | -3,49 % |
| * Kurs i SEK | ||
Publisert: 30.07.2024 16:33
Sist oppdatert: 30.07.2024 16:57
