Børsdagen: Lyspunkt på oljetung dag

To handlar på høvesvis 2500 og éin aksje sørga for at teleselskapet Nortel blei børsvinnar av selskapa på Nordvestlandet tysdag. Ein oppgang på 11,98 prosent, gjorde at aksjen enda på 18,70 kroner ved stengetid.

Sjå kurstabell for selskapa frå nordvest under

Eit fleirtal av selskapa frå regionen fekk nedgang tysdag. Verst gjekk det for Havila Shipping med eit fall på 5,87 til 14,12 kroner aksjen.

Ny botnnotering
For Arctic Bioscience er ein aksjekurs på 13,25 kroner ny botnnotering, etter eit fall på 5,36 prosent i løpet av dagen. Sparebanken Møre enda dagen på 70,63 kroner etter ein nedgang på 4,54 prosent. Det er lågaste nivå sidan i fjor sommar.

Også Salmon Evolution som starta dagen med ein liten oppgang, fall tilbake i løpet av dagen.

Lakseoppdrettarane melde at dei hadde sett ut meir smolt i anlegget på Indre Harøy, utan at det oppstod problem. Tysdagen enda likevel med ein tilbakegang på 1,56 prosent, til 8,85 kroner.

Det meste anna gjekk også ned på Oslo børs i løpet av dagen.

Hovudindeksen fall med 2,33 prosent, og prisen for eit fat nordsjøolje var ved stengetid kring 96 dollar fatttet – en nedgang på kring 3,6 dollar i løpet av dagen.

Kursutvikling for selskap frå Nordvestlandet: