Børsdagen: Mest å gle seg over for Havyard-aksjonærar

Aksjemarknaden på Oslo børs hadde ein ny tung dag torsdag, etter å ha starta veka friskt. Hovudindeksen enda ned med 2,27 prosent. Også 11 av 16 selskap frå Nordvestlandet fekk eit fall torsdag.

Størst nedgang av selskapa frå regionen hadde Havila Shipping med 9,41 prosent. Men også Atlantic Sapphire (- 7,1 prosent) og Hexagon Purus (-6,73 prosent) var mellom selskapa frå regionen som hadde ein tung dag (sjå tabell under).

Hofseth Biocare og Havyard Group steig mest av selskapa med adresse på Nordvestlandet med høvesvis 4,40 og 4,18 prosent.

Elles kunne fleire Havyard-aksjonærar gle seg over utbytte i form av Hav-aksjar. Styremedlem Helge Simonnes i Havyard Group er mellom dei som har fått utbytte via sitt selskap Kamato, tilsvarande ein verdi på 1,2 millionar kroner.

I løpet av dagen blei det også meldt at Hav-sjef Gunnar Larsen er tildelt aksjar til ein verdi av drygt 15.000 kroner, medan HR-sjef Frank-Levi Kvalsund er tildelt aksjar til ein verdi av kring 34.000 kroner.

Les bakgrunn: Havyard Group med storkjøp og omorganisering

Tidlegare i veka blei det meldt at Havila Holding og selskapet Innidimman har fått aksjeutbytte til ei verdi av høvesvis 56,8 og 7,3 millionar kroner. Begge selskapa er tilknytta styreleiar Vegard Sævik i Hav Group.

Kursutvikling for selskapa frå Nordvestlandet: