Børsdagen: Oppturen held fram for Herøy-reiarlag
Havila Shipping-aksjen opp nesten 50 prosent på ei veke.
Havila Shipping-aksjonærane har hatt ei svært god veke. Fredag var aksjen på nytt av børsvinnarane, med ein oppgang på 12,36 prosent til 19,46 kroner aksjen.
Dermed har aksjekursen stige nesten 50 prosent siste veka. På heilårsbasis er oppgangen 387 prosent, og siste månaden har aksjeverdien stige 71 prosent.
Med unntak av nokre veker i fjor sommar, må ein tilbake til 2017 for å finne tilsvarande aksjekursar.
Elles opplyser iLaks fredag at lakseprisen no stuper etter fire veker med prisoppgang. Prisane skal vere 10-20 kroner ned, og ligg heilt nede på 75 kroner for 3-4 kilos laks.
Prisfallet såg ikkje ut til å påvirke kursen til Atlantic Sapphire og Salmon Evolution, som begge steig litt.
Ein ørliten opptur vart det også for Eqva-aksjonærane, etter at selskapet torsdag melde om at Havyard-verftet i Leirvik har sikra seg ein kontrakt på ombygging av ferja MF Vannes for Boreal.
På ein børsdag der hovudindeksen steig 0,56 prosent, var det berre tre av selskapa i nordvest som fall i verdi.
| Børsdagen | ||
| Selskap | Kurs i kroner | %-endring i dag |
| Havila Shipping | 19,46 | 12,36 % |
| Statt Torsk | 1,7 | 2,11 % |
| Atlantic Sapphire | 7,38 | 2,07 % |
| Hexagon Composites | 33,16 | 1,97 % |
| Havila Kystruten | 10,7 | 1,90 % |
| Nortel | 19,4 | 1,57 % |
| Golden Energy Offshore Services | 1,47 | 1,34 % |
| Hav Group | 8,8 | 1,15 % |
| Endúr | 27,5 | 1,10 % |
| Eqva | 2,96 | 1,02 % |
| Hofseth Biocare | 2,97 | 0,68 % |
| Sparebanken Møre | 78,49 | 0,63 % |
| Salmon Evolution | 8,18 | 0,25 % |
| Hexagon Purus | 24,64 | -0,56 % |
| Norva24 Group* | 34,9 | -3,06 % |
| Arctic Bioscience | 10,95 | -4,36 % |
| * I svenske kroner. Selskapet er registrert på Stockholms-børsen | ||
Publisert: 20.01.2023 16:10
Sist oppdatert: 20.01.2023 17:49