Børsdagen: Optimisme før Kystruten-resultat

Sjå børstabell for Nordvestlandet under

Havila Kystruten var mellom dei børsnoterte selskapa frå Nordvestlandet som hadde best utvikling onsdag.

Investorane hadde truleg optimistiske forventingar til kvartalsrapporten som Herøy-reiarlaget legg fram etter at børsen stenger.

Etter ein oppgang på nær fem prosent tidlegare på dagen, fall kursen litt tilbake på ettermiddagen. Sluttkursen på 0,846 kroner er ein oppgang på 4,19 prosent i løpet av dagen.

Hexagon Composites vart dagens børsvinnar av selskapa frå regionen med ein oppgang på 4,96 prosent til 22,44 kroner.

Norva24 vart dagens børstapar frå regionen med eit fall på 2,48 prosent til 25,55 kroner. Også Havila Shipping enda i minus etter at offshorereiarlaget la fram tal tysdag.

Industrikonsernet Eqva la fram sin rapport for 4. kvartal tidleg onsdag. Det tidlegare Havyard-konsernet fekk tommelen ned frå investorane på børsen etterpå, og aksjen fall med 1,87 prosent.

Selskapet har flytta hovudkontoret frå Herøy til Kvinnherad, og NETT NO vil difor avslutte dekninga – og ta ut aksjen av den daglege børstabellen for Nordvestlandet.

Hovudindeksen på Oslo børs enda med ein oppgang på 0,3 prosent til 1.263,82 poeng.

Børstabell for Nordvestlandet: