Børsdagen: Over 100 kroner kiloen

Sjå børstabell for Nordvestlandet under saka

Det landbaserte oppdrettsselskapet med anlegg på Romsdalskysten fekk i gjennomsnitt betalt 1061 kroner kiloen for laksen som blei slakta i 2. kvartal og 106,6 kroner kiloen hittil i år. Den høge gjennomsnittsprisen skuldast at heile 96 prosent av laksen var at beste kvalitet, superior, som er den best betalte.

Det går fram av kvartalsrapporten per 2. kvartal, som selskapet la fram torsdag.

Les børsmelding her (ekstern lenke)

Hittil i år har Salmon Evolution slakta 2481 tonn laks (sløyd og hovudkappa) og reknar meld å slakte melliom 2400 og 2600 tonn i andre halvår.

Meir enn doblar kapasiteten
Tidlegare i sommar vedtok Salmon Evolution å starte bygging av andre byggesteg av anlegget sitt. Det blir like stort som første byggesteg.

Ved å sette inn fleire tankar der fisken som kjem frå smoltanlegget får vekse seg større før den blir flytta inn i hovudtankane, vil andre byggesteg auke produksjonskapasiteten frå 7.900, til 18.000 tonn hovudkappa og sløyd laks i året.

Før børsen opna var aksjekursen i Salmon Evolution 7,07 kroner aksjen. Det er 4,24 prosent over aksjekursen ved inngangen til året.

Kursen sank torsdag frå starten av handelen og slutta på 6,75 kroner - eit fall på drygt 4,5 prosent.

Det gjorde at lakseoppdrettarane blei dagens børstapar frå regionen (sjå børstabell under).

Då selskapet vart børsnotert i september 2020 var kursen 7,40 kroner. I januar 2022 var kursen over 11 kroner i ein kort periode. Botnrekorden er frå oktober 2020, 5,10 kroner aksjen.

Børstabell for Nordvestlandet: