Børsdagen: Refinansiering på plass

Havila Kystruten har gjennomført refinansieringa Havila Kystruten melde om då tala for 4. kvartal og 2023 vart lagt fram i februar.

Eit obligasjonslån på opprinneleg 50 millionar euro blir erstatta av eit lån frå Havila Holding på 56 millionar euro - omlag 612 millionar kroner etter dagens kurs. Havila Holding eig 59,69 prosent av Havila Kystruten. Havila Holding er eigd av Per Sævik og hans barn.

Lånet frå Havila Holding er usikra og forfell til betaling 26. juli 2028.

I tillegg får gods- og passasjerreiarlaget ein såkall trekkfasilitet hos Havila Holding, som gjer at selskapet kan låne ytterlegare inntil 200 millionar kroner.

Dyr finansiering
Havila Kystruten var opphavleg finansiert gjennom eit statseigd russisk finansieringselskap og måtte finne ny finansiering då det blei innført sanksjonar mot Russland etter at Russland gikk til krig mot Ukraina i 2022.

No refinansierer selskapet på nytt.

"Med denne løsningen sikrer vi styrket likviditet og balanse for Havila Kystruten. Nå kan vi fokusere på å optimalisere driften av de fire nye kystruteskipene våre, og levere på de operasjonelle målene vi har satt oss" seier administrerande direktør Bent Martini i Havila Kystruten i ei børsmelding.

Han seier og at Havila Kystruten har ei dyr finansiering. Målet er å redusere finanskostandane ytterlegare:

"Etter hvert vil dette også muliggjøre en mer langsiktig og bærekraftig finansiering som bedre reflekterer våre faktiske skipsverdier og de gode inntjeningsmulighetene vi har på drift av skip langs norskekysten. Det er ingen tvil om at obligasjonslånet er kostbart for oss, men med utfordringene vi stod i med den opprinnelige långiver og sanksjonene de var underlagt, var dette den eneste løsningen på sensommeren i fjor. Målet har hele veien vært å finne løsninger med lavere kostnader, og dette et steg videre".

Auka belegg
2024 blir det første året Havila Kystuten har alle sine fire gods- og passasjerskip i drift heile året

Skipa seglar i rute mellom Bergen og Kirkenes. Ruta er og trafikkert av selskapet Hurtigruten.

Havila Kystruten hadde eit belegg på 68 prosent i første kvartal i år, opp frå 60 prosent i fjerde kvartal 2023. Hittil i år har selskapet fått bestillingar for 63 prosent av kapasiteten på årbasis, eit belegg Havila Kystruten ventar skal bli i underkant av 80 prosent kapasitetsutnytting når fasit for 2024 er klar.

Havila Holding er medeigar i Bakkar og Berg Media, som gir ut Nett No.

Artikkelen er oppdatert, mellom anna med aksjekursar til børsnoterte selskap på Nordvestlandet, etter at børsen stengte i ettermiddag.