Børsdagen: Rekordnotering etter kvartalstal
Nortel dagens børsvinnar på Nordvestlandet.
Aksjekursen i Nortel spratt opp til 34,80 kroner straks etter børshandelen opna i dag. Det er over rekordnoteringa på 34,40 kroner 17. mars i år.
Selskapet la fram kvartalsrapporten for 1. kvartal i dag tidleg, og ut frå kursutviklinga ser det ut som om investorane likte det Nortel hadde å fortelje, sjølv om veksttakta ikkje er like høg som den var i store deler av 2022.
Nortel er imidlertid eit framleis eit selskap der aksjehandelen er svært liten. Aksjeposten som vart handla til kurs 34,80 var berre på 50 aksjar.
Den siste handelen i dag, klokka 15:38, omfatta 49 aksjar til kurs 33,80, opp 12,67 prosent sidan børsen stengde i går.
Grunnfondsbevisa til Sparebanken Møre, som 3. mars vart handla til kurs 88 kroner fall i dag til årets lågaste kurs, 76,09 kroner.
Artikkelen er oppdatert etter at børshandelen var over for i dag, mellom anna med børskursar for alle børsnoterte selskap på Nordvestlandet
| Børsdagen | ||
| Selskap | Kurs i kroner | %-endring i dag |
| Nortel | 33,80 | 12,67 % |
| Eqva (tidlegare Havyard Group) | 3,28 | 5,81 % |
| Havila Kystruten | 9,50 | 3,94 % |
| Statt Torsk | 0,90 | 2,17 % |
| Arctic Bioscience | 11,00 | 1,85 % |
| Norva 24* | 28,40 | 0,53 % |
| Endúr | 46,20 | 0,43 % |
| Havila Shipping | 16,92 | -0,47 % |
| Salmon Evolution | 7,85 | -0,51 % |
| Hofseth Biocare | 3,35 | -0,89 % |
| Hav Group | 10,45 | -1,42 % |
| Sparebanken Møre | 76,09 | -2,03 % |
| Atlantic Sapphire | 5,09 | -2,12 % |
| Hexagon Purus | 21,50 | -2,27 % |
| Hexagon Composites | 30,64 | -2,48 % |
| Golden Energy Offshore Services | 1,08 | -5,09 % |
| *Svenske kroner |
Publisert: 25.04.2023 14:37
Sist oppdatert: 25.04.2023 16:52