Før børsen opna i dag melde Hav Group om ei ny kontrakt på 200 millionar kroner til datterselskapet Norwegian Electric Systems, for ein utstyrleveranse til eit fartøy som blir bygd av det tidlegare Havyrad-verft i Leirvik i Sogn.
Kursen gjekk opp straks handle kom i gang, og enda 8,69 prosent over nivået frå fredag ettermiddag.
Enda meir - 21,85 prosent - steig kursen i det landbaserte oppdrettselskapet Atlantic Sapphire som i dag tidleg melde om skifte av finansdirektør. Karl Øystein Øyehaug sluttar og Gunnar Aasbo-Skinderhaug tek over.
Han har tilsaman 20 års erfaring frå sjømatnæringa og vore dagleg leiar i Cermac Norway Salmon, finansdirektør i Cermac og Aquacon, Norway Seafoods og Aker Seafoods.
I slutten av mars var Atlantic Sapphire-kursen nede i 0,78 kroner aksjen, den hittil lågaste kursen selskapet har hatt.
| Børsdagen | ||
| Selskap | Kurs i kroner | %-Endring i dag |
| Atlantic Sapphire | 1,21 | 21,85 % |
| Hav Group | 9,76 | 8,69 % |
| Havila Kystruten | 0,88 | 1,74 % |
| Salmon Evolution | 7,40 | 1,23 % |
| Hexagon Composites | 18,06 | 0,78 % |
| Hofseth Biocare | 2,10 | 0,00 % |
| Romsdal Sparebank | 109,00 | 0,00 % |
| Havila Shipping | 6,30 | -0,16 % |
| Endúr | 47,50 | -0,21 % |
| Sparebanken Møre | 84,33 | -0,22 % |
| Norva 24 Group* | 28,15 | -0,88 % |
| Arctic Bioscience | 10,40 | -0,95 % |
| Golden Energy Offshore Services | 1,82 | -2,42 % |
| Hexagon Purus | 6,47 | -3,00 % |
| * Kurs i SEK |
Publisert: 06.05.2024 16:52
Sist oppdatert: 06.05.2024 16:54
