Børsdagen: To skritt fram og ett tilbake

Se børstabell for Nordvestlandet under saka

Etter ein oppgang på nær 23 prosent onsdag, sank Arctic Bioscience-aksjen drygt 8 prosent torsdag. 

Sluttkursen vart 3,85 kroner. 

Det gjorde selskapet til dagens tapar av dei børsnoterte selskapa på Nordvestlandet. 

Oppgangen for Arctic Bioscience dagen i forvegen kom etter at selskapet fortalde om resultata frå ein stor internasjonal studie. 

Undersøkinga viste effekt av middelet selskapet håpar å få legemiddelgodkjent for bruk mot psoriasis. 

Forsøkspersonar som fekk middelet hadde betre resultat enn dei som fekk narremiddel. Samtidig var placebo-effekten framleis høg – og selskapet vil difor jobbe for å finne fram til ein anna metode i neste fase. 

Arctic Bioscience-sjef Christer Valderhaug fortalde under presentasjonen onsdag, at han var trygg på at middelet ville nå marknaden – men ikkje nødvendigvis med legemiddelgodkjenning. 

– For oss dannar dette eit godt grunnlag for å gå inn i hausten og fortsette partnardialogar, slik at vi kan få på plass ein eller fleire – for å utvikle HRO350 visare saman med oss, sa han under presentasjonen.

Til Nett No fortalde han at selskapet har ein plan B for å nå ut i milliardmarknaden som er anslått for middelet. Det går ut på å satse mot same pasientgruppe – men i «mellom-kategorien» omtala som medisinsk mat. 

Hexagon Composites var vinnaren av dei børsnoterte selskapa frå regionen torsdag. 

Hovudindeksen på Oslo børs hadde ein ny dag i pluss – 0,61 prosent – og enda på 1629,27 poeng. 

Børstabell for Nordvestlandet: