Børsdagen: Torskefall etter utsetting

Statt Torsk var tysdagens børstapar frå Nordvestlandet med eit fall på 9,27 prosent til 0,41 kroner aksjen.

Kursen fall etter at oppdrettsselskapet melde at dei utsette ny produksjon som var planlagd ved anlegget ved Rekvika i Vanylven.

Selskapet opplyser at årsaka er den pågåande strategiske prosessen – der samanslåing med Vesterålen Havbruk er ein av alternativa – saman med faren for at ein ikkje får fullfinansiert produksjonssyklusen.

Avgjerda inneberer redusert kostnadsnivå framover, og at ungfisken som var meint å settast ut ved anlegget, blir selt eller øydelagd, ifølgje børsmeldinga.

Aksjekursen har falle jamnt i heile år og botnnoteringa på 0,24 kroner kom 11. august. Etterpå har aksjen henta seg litt inn att, men fekk altså eit nytt fall tysdag.

Elles var det ein dag med lite bevegelse i aksjane i selskapa frå regionen.

Hav Group vart dagens vinnar frå nordvest med ein oppgang på 0,6 prosent.

Hovudindeksen på Oslo børs fall med 0,42 prosent til 1.236,99.

Sjå børstabell for Nordvestlandet: