Børsdagen: Unifon har full kontroll i Nortel

Tidlegare denne veka hadde Unifon fått ja frå eigarane av 88,12 prosent av Nortel-eigarane. Etter den nye fristen, som gjekk ut i går ettermiddag, hadde nesten alle svart ja.

Mobiltelefoniselskapet Unifon byr 27,50 kroner aksjen, som prisar Nortel til 517 millionar kroner.

Med over 90 prosent eigarskap kan Unifon tvangsinnløyse resten av aksjane, som betyr at eigarane som ikkje har sagt ja også må selje sine aksjar.

Planen er å innlemme Nortel i Unifon-systemet slik at to konkurrentar blir eitt selskap.

Blir med vidare
Nortel har over 200 aksjonærar, mange med adresse på Nordvestlandet.

Selskapet vart notert på Euronext Growth i november 2020. Første dag var kursen 22 kroner.

17. mars i år var kursen 34,40 kroner, to dagar etter at selskapet melde at det hadde fleire friarar på døra.

Toppnoteringa for selskapet var 25. mai år, 35,20 kroner aksjen.

I starten av juni sa styret i Nortel ja til bodet frå Unifon. Dei største aksjonærane hadde då allereie forplikta seg til å selje. Dei får betalt med ein kombinasjon av kontantar og aksjar i Unifon-systemet, slik at dei blir med vidare på eigarsida etter salet. Også personar i styret og leiinga er med på den avtalen. Aksjonærar som eig mindre enn to prosent får oppgjer i kontantar.

Artikkelen er oppdatert, mellom anna med aksjekursar for børsnoterte selskap på Nordvestlandet, etter at børshandelen var over for dagen.