Børsdagen: Ventar på ny fangst for Artec Aqua

Sjå børstabell for Nordvestlandet under saka

Endúr vart børsvinnaren frå Nordvestlandet på ein dag med lite bevegelse i aksjekursane for selskapa frå regionen.

Det skjedde etter at industri- og ingeniørkonsernet la fram tall for andre kvartal.

Driftsinntektene til Endúr-datterselskapet Artec Aqua i Ålesund gjekk ned frå 643 millionar kroner i første halvår 2022 til 191 millionar kroner i første halvår 2023 går det fram av delårsrapporten til Endúr-konsernet for 2. kvartal og første halvår.

Les børsmelding her

Grunnen til nedgangen er at ingeniør- og prosjekteringsselskapet Artec Aqua er ferdig med første steg av bygginga av Salmon Evolution sitt landbaserte anlegg i Indre Harøy.

Artec Aqua teiknar og prosjekteter landbaserte oppdrettsanlegg. No er det planlegging og prosjektering av nye og mindre anlegg som gjeld, og då går inntektene ned samanlikna med når bygginga i er i gang.

Førebels har Endúr/Artec Aqua ikkje ført oppdrag med å bygge landbasert oppdrettsanlegg på Island og andre byggesteg for Salmon Evolution inn i ordreboka. Sannsynlegvis blir det fast fisk, men så lenge ikkje alt er på plass ventar Endùr med å konkludere.

Konsernet fortel imidlertid også at interesssa for landbaserte oppdrettsanlegg er aukande igjen, både i Noreg og utlandet. Interessa blei dempa etter at regjeringa varsla at den ville innføre grunnrentskatt på oppdrettselskap og samstundes sette utdeling av fleire løyve til landbaserte anlegg på vent.

Grunnleggarane av Artec Aqua er største aksjonærar i det børsnotere industri- og ingeniørkonsernet Endúr.

Børstabell for Nordvestlandet: