Conta bemannar opp for å vekse

Rekneskapsprogramvare-selskapet Conta i vil utvide staben med sju nye medarbeidarar i Ålesund. 

Nytilsettngane er ein del av strategien for å oppskalere selskapet frå småbedrift-tilbydar, til å tilby rekneskapstenestene sine for dei store bedriftskundane. 

Gründer for gründerar
– Det passa bra at du ringte. Vi er akkurat blitt kåra til årets gaselle-bedrift av DN, for andre år på rad, seier Conta-sjef Torill Standal Eliassen.

Sidan 2009 har selskapet utvikla programvare for rekneskap og fakturering, og satsa utelukkande mot små og mellomstore bedrifter. 

Programmet er designa for å forenkle og automatisere oppgåver som rekneskapsføring, rapportering, fakturering, timeføring og lønn.

Selskapet vart stifta i Brasil, starta opp drifta i eit hjørnelokale i Fremmerholen, og i dag har selskapet  fylt heile industribygget med kontor for sine 60 tilsette i Ålesund. I tillegg har det 25 andre tilsette andre stadar i Norge og resten av verda.

Klar for neste fase
I fleire år var selskapet nesten ukjent for andre enn småbedrifter og enkeltpersonføretak, og vart ein favoritt blant mange gründerar.

Selskapet dreiv ikkje tradisjonell marknadsføring, men satsa på å rekrutterte nye kundar gjennom personlege anbefalingar, deltaking på diskusjonsforum og aktivitet i startup-rmiljø. 

– Det er rett at vi har køyrt litt "gjedda i sivet"-strateg, men no er vi klare til å vise oss fram og satse også mot dei større kundane, seier Eliassen.

Den prosessen starta då tidligare sjef Jan-Tore Holen ga seg i fjor, og overlet leiinga til Standal.

Dei sju nye stillingane skal styrke staben av utviklarar, marknadsføring, salg og kommersialisering.

Teknologisenteret Sunnmøre
Dei sju nye stillingane skal styrke staben av utviklarar, marknadsføring, salg og administrasjon.

– Har de opplevd nokon frieri frå investorar eller konkurrentar?

– Å jada. Vi får omtrent ein telefon i veka, og svaret er det same kvar gang: Vi er ikkje interessert. Vi vil vokse oss store sjølv og vi har dei økonomiske musklane som trengs, fastslår Eliassen.

Eks-sjef Jan-Tore Holen er framleis majoritetseigar, og selskapet har over 100 andre tilsette på aksjonærlista.

Eliassen seier Conta har større ambisjonar enn å  berre å syte for sin eigen vekst. Selskapet har vyar for å bygge opp Sunnmøre til ein sterk teknologiregion.

– Vi ønskar å satse regionalt på Sunnmøre, og vi ser verdien av å ha fagfolka og kompetansen her. Vi er ei sjølv ei lokalt utvikla teknologibedrift med tusenvis av kundar over heile landet. Conta vil vere med og sørge for at det skal koke i tech-miljøet i Ålesund.