DAT-sjefen: Nei til Ørsta/Volda

- Ganske usannsyneleg, seier Jesper Rungholm i DAT om sjansen for at Widerøe skal få konkurranse når Samferdseldepartementet tek vekk subsidiane og opnar for fri konkurransen på flygingar mellom Ørsta/Volda og Oslo.

På fredagen, som er den travlaste dagen, går det ni avgangar begge vegar mellom Ørsta/Volda og Oslo. Trafikken er så stor at det ikkje lenger er grunn for å subsidiere strekninga, meiner departementet.

Får ikkje konkurranse

DAT flaug tidlegare mellom Florø og Oslo, men tapte i konkurransen ved førre anbodsrunde. No fjernar departementet subsidiane også på den strekninga, men DAT vil ikkje prøve seg på nytt. Trafikken over Florø er stor nok til at det går an å tene pengar utan subsidiar, men berre dersom ein er einaste flyselskap, slik Rungholm vurderer det. Blir det to om beinet blir det tap, og difor vil ikkje prøve seg.
DAT flyg i dag ei innanriksrute i Noreg, mellom Stord og Oslo, og har i tillegg ruter frå Stavanger til Esbjerg og Billund i Danmark.
I Ørsta/Volda er hinderet for å satse enda høgare.
- Vi har ingen fly som kan fly på Ørsta/Volda, seier han.
Det finnes flyselskap med flytypar som kan brukast på Ørsta/Volda, og vere eit alternativ til Widerøe sine Dash 8-fly, men Rungholm trur ingen vil prøve seg så lenge Widerøe opprettheld eit tilbod, sjølv om det blir færre ruter enn idag.
- Det er ganske usannsynleg at nokon vil prøve seg på Ørsta/Volda til Oslo, seier han.

Vil kutte

Widerøe går langt i å seie at det blir færre avgangar mellom Ørsta/Volda og Oslo med fri konkurranse.
- Vi er veldig skuffa. Konkurranseutsetting vil sannsynlegvis gjere tilbodet dårlegare og dyrare, sa informasjonsjef Silje Brandvoll i Widerøe då Samferdselsdepartementet si avgjerd vart kjent i førre veke.