Designprisar til Jets og Stokke

Stokke fekk prisen for Stokke Crusi – ei fleksibel barnevogn som vert sagt å vekse med barnet.
På heimesidene til Norsk Design vert det peika på at Stokke er ein leiande global aktør innan barneutstyr, men mangla ei vogn som dekker alle behov og appellerer til alle marknader.
- Ved hjelp av eit stort designteam og grundige brukarundersøkingar har dei laga Stokke Crusi, ei fleksibel barnevogn som gir mulegheit for tilpassing etter kvart som barnet veks og behova vert endra.
Les meir .

Vitenskap

Jets Vacuum fekk prisen for sitt vakuumtoalett Jets Pearl.
– Å sitje på toalettet er faktisk ein heil vitenskap. I ergonomiarbeidet brukte vi både skalamodellar og brukartestar – sistnemmnde med buksene nede, seier Tor Rønnestad, sjef for forsking og utvikling i Jets Vacuum i ei pressemelding.
Heideren vart delt ble delt ut i Oslo onsdag Oslo under Designdagen, eit årlig arrangement i regi av Norsk Designråd.
– Merket for god design vert gitt til dei mest innovative og modige bedriftene og designarane i Norge akkurat no, seier Line Aandal Røijen, prosjektleiar i Norsk Designråd.

Betre å sitje på

I pressemeldinga vert det vist til at alle som har mønstra på båt veit at toaletta om bord kan være så som så. Men Hareid-bedrifta Jets Vacuum har utvikla eit toalett som er betre å sitje på, lettare å reingjere og som ser penare ut, meiner juryen.
Tor Rønnestad, sjef for forsking og utvikling i Jets Vacuum, opplyser at Jets har halvparten av den globale maritime marknaden for vakuumtoalett. Men han vedgår at konkurransen er hard.
– Vi innsåg at ein ny toalettmodell med unike eigenskapar, ville kunne gi oss ein stor fordel i konkurransen.
- Målet vårt vart dermed å utvikle eit toalett som ser lekkert ut, er enkelt å gjere reint, har god ergonomi og som er lett å montere, fortel Rønnestad.

God mottaking

Jets Vacuum søkte hjelp utanfrå. Produktdesignarar fra Eggs Design og Minoko vart kopla inn. Etter å ha ha vorte samde om rammen for prosjektet, gjekk designarane i gang med brukarundersøkingar.
Resultatet er Jets Pearl, eit universelt utforma toalett som, juryen fall for.
Fordi heile toalettet, inkludert lokk og ring, er festa til veggen, er det få flater der skit kan samle seg. Reingjeringa går difor mykje raskare.
Jets Pearl vart lansert i fjor høst, og Rønnestad fortel om god mottaking i marknaden.
– Kundane likar det nye toalettet veldig godt, og vi har store ambisjonar når det gjeld sal. Mykje tyder på at vi har truffe noko i marknaden, seier han.