Sjå prioritert liste og kart under

Kystverket og kommunene Stad, Kinn og Vanylven er nå samde om ei prioriteringsliste over kva næringstiltak som kan få steinmassar frå Stad skipstunnel.

Lista blei lagt fram i samband med folkemøter på nordsida og sørsida av Stad-halvøya tysdag.

– Det er ikkje stein til alle, så vi har vore nøyd til å lage ei samla prioriteringsliste, fortalde seniorrådgivar Sveinung Nedregotten då møtet på Kjøde-sida blei innleia.

Kamp om å bli prioritert
Det er mangel på tilgang til massar i dei tre kommunane, og interessa for å kome på prioriteringslista, har vore stor.

Prioriteringa er gjort med utgangspunkt i modenheit i prosjekta, nytteverdi og kostnader. Det skal i utgangspunktet takast ut like mykje stein på begge sider av skipstunnelen.

Mellom anna til det vere stein til nye næringsareal både til Prodtex sitt anlegg på Fiskåholmen og Mowi sitt planlagde anlegg ved Sighaug i Vanylven.

Er ikkje sikra stein
I alt skal ein fjerne over tre millionar kubikkmeter fast fjell frå tunnelen. Det svarar til nærare seks millionar kubikkmeter sprengte steinmassar.

For å redusere kostnadane i prosjektet er det eit ønske om å bruke delar av massane i nærområdet.

Lista under viser kven som kan få stein i prioritert rekkefølgje. Med andre ord er ein ikkje sikra massar ved å stå på lista – men kan vere avhengig av kor mykje stein som blir nytta i tiltaka med høgast prioritet. Om eitt tiltak fell vekk, vil neste tiltak på lista rykke opp.

Sjå meir informasjon på Kystverket.no (ekstern lenke)

Får prislappen til sommaren
Ein truleg må vente til 2025 før ein veit om anboda for Stad skipstunnel held seg innafor kostnadsramma frå Stortinget på drygt fem milliardar kroner.

Om tilboda frå entreprenørane blir høgare, må samferdselsprosjektet tilbake til politisk behandling.

Det er anslått at det vil ta fire til seks år å bygge den 1700 meter lange tunnelen.