– Drastisk negativ utvikling

Pretre lagar takstolar og andre prefabrikerete trekonstruksjonar og har fått svi kraftig for nedturen til kundane i byggebransjen.

Færre hus og hytter betyr også færre oppdrag for Pretre, som i tillegg til hovudkontor og anlegg i Stryn har verksemd i Gausdal, Brumunddal og Jæren.

Byggemarknaden har hatt ei «drastisk negativ utvikling i 2024», skriv selskapet i årsmeldinga.

I 2022 selde selskapet for 540 millionar kroner og fekk eit overskot på 29 millionar. I fjor var inntektene meir enn halvert (sjå tabell under). 

Dei to siste åra er resultatet før skatt til saman 116 millionar kroner.

Færre tilsette
Nedturen og underskota har mellom anna gått ut over dei tilsette. 

I løpet av 2024 vart arbeidsstokken redusert med omlag 20 prosent, til 106 årsverk ved årskiftet 2024/2025. Samtidig vart avdelinga i Tvedestrand lagt ned. I 2023 la selskapet ned verksemda si i Steinkjer. 

Målet er å klare å gå med overskot med lågare inntekt enn før.

Ferd-konsernet
Pretre er er ein del av Mestergruppen, ei kjede av tilsvarande verksemder, som er eigd av Ferd-konsernet. Ferd-konsernet er i sin tur eigd av Johan Andresen og to døtre.