- Eit fantastisk godt år

- 2020 var eit fantastisk år for oss seier Coldwater Prawns of Norway-sjef Knut Helge Vestre.

Han er optimistisk også for 2021, med seier det er for tidleg å svare på om dette året blir like godt som det førre.

Alt i butikk
Sal til hotell- og restaurantmarknaden utgjorde 40-50 prosent av driftsinntektene før den verdsomspennande koronaepidemien kom, men Coldwater Prawns of Norway greidde å meir enn erstatte salssvikten i hotell- og restaurantmarknaden med auka sal til daglegvarebutikkane.

I eit par veker framover er deler av arbeidsstokken ved fabrikken på Senja permittert. Det skuldast ein mellombels mangel på reker, ikkje vanskar i marknaden. I veke 14-15 er bedrifta attende på tre skift igjen, seier Vestre.

Nordvestlandske reiarar
Coldwater Prawns-konsernet er eig av tre fiskebåtreiarlag på Nordvestlandet - som også fiskar reke - og Knut Helge Vestre, med ein fjerdepart av aksjane kvar.

Hovudkontoret er i Ålesund, der også sal- og distribusjonsverksemda blir styrt frå, medan produksjonen skjer på Senja gjennom datterselskapet Coldwater Prawns Production.