Fredrik Odegard Nilsen foto Ekornes
ENDRINGAR: Fredrik Ødegård Nilsens vart ny konsernsjef i førre veke. No kjem fleire endringar i toppleiinga i Ekornes. Foto: Ekornes
Nytt

Ekornes skiftar sjefar

Store endringar i leiinga etter at Fredrik Ødegård Nilsen vart toppsjef.

11.05.2026

Fredrik Ødegård Nilsen tok over som toppsjef i møbelprodusenten 5. mai, etter Tine Hammernes Leopold. "Endringen skyldes ulike vurderinger knyttet til hvordan selskapets strategi best bør realiseres i tiden fremover", skreiv Ekornes i ei pressemelding om skifte av toppsjef.

No melder selskapet om fleire utskiftingar av Ødegård Nilsens sine næraste underordna:

Fredrik Samson sluttar som driftsdirektør og sluttar i konsernet. Lars Wittemann går midlertidig inn i den stillinga. Witteman er i dag leier for forsyningskjeda i konsernet og har over ti års erfaring i selskapet.

Daniel Jarnes blir midlertidig finansdirektør. Jarnes har arbeidd i selskapet sidan 2019. Ødegård Nilsen var finansdirektør inntil han vart konsernsjef.

Artikkelen blir oppdatert

Lars Wittemann forsyningskjededirektør Ekones ASA Foto Ogne
NY STILLING: Lars Wittemann er midlertidig driftsdirektør. Foto: Ogne Øyehaug

Teknisk sjef Jon Einar Løvold blir fabrikksjef på fabrikkane på Ekornes og Aure i Sykkylven etter Kariann Sandvik, som har valt å søkje moglegheiter utanfor Ekornes, ifølgje ei pressemelding. 

- Eg vil takke Fredrik og Kariann for solid innsats i ei periode prega av høg kompleksitet og krevjande marknadsforhold. Ekornes har eit stort potensial og er godt posisjonert for framtida. Mitt fokus vil vere å skape tydeleg retning, gjennomføringskraft og rask effekt av dei viktigaste prioriteringane, seier Ødegård Nilsen i pressemeldinga.

Kariann Sandvik Marthe Outzen Kjetil Clementsen foto ogne
SLUTTAR: Kariann Sandvik sluttar som fabrikksjef (nummer to frå venstre). Foto: Ogne Øyehaug

Ulike oppfatningar
I ein epost til Nett No skriv Kariann Sandvik at det ligg ulike oppfatningar om korleis selskapet sin strategi best kan realiserast bak hennar avgang, og ber om at eposten blir sitert i sin heilskap:  

"Eg har valgt å søke moglegheiter utanfor Ekornes. Dette er ei avgjerdsle som har modna over tid. Vi har litt ulike oppfatningar rundt korleis selskapet sin strategi best kan realiserast i tida framover, og kvafor tiltak som bør gjennomførast. Då er det naturleg at nokon andre tek over ansvaret for fabrikkane i Sykkylven. 

Ekornes har ei imponerande historie og er viktig for Sykkylven. Dette var ei viktig årsak til at eg byrja i verksemda. Eg har djup respekt for kunnskapen og innsatsviljen til dei tilsette. For meg er det menneska som er den største verdien i Ekornes. 

Eg kjem til å følge godt med og heier på alle som kvar dag gjer ein innsats for at Ekornes skal fortsette å byggje historie. No skal eg bruke tida godt før eg tar neste steg - eg spanderer kaffi på alle som vil treffe meg!"

Krympa leiargruppa
Tine Hammernes Leopold vart tilsett som Ekornes-sjef i juni 2023. I mai 2024 reduserte ho leiargruppa frå 12 til seks personar. 

Halveringa av leiargruppa var starten på det som kan bli ei større omorganisering.

"I løpet av dei komande månaden vil arbeidet starte med å vurdere andre potensielle justering av av resten av organisasjonen", fortalde selskapet i ei børsmelding.

Hammernes Leopold sin forgjengar som leiar for Ekorneskonsernet, Roger Lunde, gjekk av i november 2023 etter å ha vore sjef for selskapet sidan februar 2020. I tida frå Lunde gjekk av til Hammernes Leopold byrja var Ødegård Nilsen konstituert som toppsjef. 

23. mai 2018 overraska Ekornes både aksjemarknad og lokalsamfunn med å fortelle at selskapet skulle bli kinesisk eigd (på grunn av datafeil er artikkelen i lenka under feildatert, den blei publisert 23. mai 2018)

Publisert: 11.05.2026 08:22

Sist oppdatert: 11.05.2026 09:00

Mer om