Ingegjerd Eidsvik Artec Aqua Aqua Nor 2023 foto Ogne
OPPBEMANNAR FOR NYE OPPDRAG: Arteq Aqua-sjef Ingegjerd Eidsvik tilsette fleire i fjor, trass inntektsfallet. Foto: Ogne Øyehaug
Nytt

Fall i fjor, men får oppsving i år

Inntektsfall på 75 prosent for Artec Aqua i fjor. Milliardkontrakt i år.

28.06.2024

Ingeniør- og prosjekteringselskapet Artec Aqua i Ålesund har spesialisert seg på landbaserte oppdrettsanlegg.

Selskapet har vore i kraftig vekst i fleire år, men i fjor vart vekstkurva broten, og selskapet gjekk med underskot (sjå tabell).

I 2017 passerte selskapet 300 millionar kroner i inntekt for første gang, i 2022 var inntektene over 1,1 milliard kroner.

Artec Aqua As
Tal i mill. kroner20232022
Driftsinntekt289,71147,2
Driftsresultat-11,441,0
Resultat før skatt-7,047,0

Grunnrenteskatt stoppa investeringar
Grunnrenteskatten på oppdrettnæringa er ein del av forklaringa på inntektsfallet i 2023, saman med at fleire større oppdrag vart ferdig i fjor.

I tillegg har stans i konsesjonsbehandlinga for nye landsbaserte oppdrettsanlegg, rente- og kostnadsauke slått negativt ut, ifølgje årsmeldinga til Artec Aqua.

Grunnrenteskatten er ein ekstraskatt på oppdrett i sjø og vart varsla på ein pressekonferanse hausten 2022. Det gjorde at oppdrettsselskapa sette investeringar på vent, mellom anna fordi det var uvisst kor stor skatten ville bli.

Artec Aqua er eit datterselskap av det børsnoterte Endúr-konsernet. I årsrapporten per 4. kvartal i fjor skreiv Endúr at oppdrettsmarknaden framleis var prega av verknaden av innføring av grunnrenteskatt. Fleire prosjekt Endúr hadde håpa på hadde tatt lengre tid enn venta å få sett ut ut livet.

Nye milliardoppdrag
Trass inntektsfallet i fjor auka Artec bemanninga, frå 54 til 63 i løpet av 2023.

Artec Aqua fekk i fjor sommar oppdraget med å planlegge andre byggesteg av Salmon Evolution sitt landbaserte oppdrettsanlegg på Romsdalskysten.

Men selskapet måtte vente heilt til denne veka før Salmon Evolution tok den endelege avgjerda om å sette i gang med bygginga.

Det betyr mykje arbeid og inntekt for Artec Aqua. Arbeidet med første byggesteg er hittil den største einskildkontrakten Artec Aqua har hatt.

Andre byggesteg, med anlegg og bygg, er rekna å koste 2,2 milliardar kroner. Selskapet har óg intensjonsavtale om å levere til eit planlagt byggetrinn tre, som verte endå større.

Publisert: 28.06.2024 09:13

Sist oppdatert: 28.06.2024 10:52

Mer om