Fekk for lite fisk

Hovudverksemda i Ervik & Sævik-konsernet er fiske, i datterselskapet Christian E som eig og driv fiskebåten med same namn.

I fjor skulle fartøyet inn til 10-års klassing. Det tok mykje lenger tid enn planlagt fordi verftet klassinga skulle gjerast ved, fekk vanskar med å få tak i nok arbeidsfolk på grunn av korona.

Dermed kom båten for seint ut i fisket etter nordsjøsild i juli og august.

I tillegg gjorde manglande fiskeriavtale med britane at båten ikkje fekk tilgang til fiske i britisk sone, og gjekk glipp av ytterlegare fangst.

Konsekvensen viser i reknskapen, inntektene gjekk ned med over 15 millionar kroner, og både reiarlag og konsern fekk minusresultat (sjå tabell).

Tidlegare i sommar opna Ervik & Sævik sitt nye næringsliv-, restaurant og galleribygg, - Horisont - på Mjølstadneset i Herøy.