Fekk forlenga kontrakt med DeepOcean

Ålesund-selskapet Volstad Maritime har inngått eittårskontrakt med DeepOcean for fleirebruksfartøyet Volantis.

Kontrakten er ei direkte forlenging av eksisterande kontrakt, og vil vare i eitt år frå januar neste år.

Volstad Maritime opplyser i ei pressemeldingat selskapet har tette band til DeepOcean, og har hatt samarbeid sidan 2007.

- Ekstremt utfordrande
Adm. dir. Eirik Syversen er glad over kontrakten.

- Marknaden har vore ekstremt utfordrande i dei siste seks åra, men vi har heile tida funne løysingar saman med DeepOcean for å halde Volantis i arbeid.

- Difor er det ekstra tilfredsstillande at samarbeidet held fram no som marknaden ser ut til å ha betra seg både for kontraktørar og reiarlag.